A súa principal acción son o tres showcookings científicos que terán lugar na aula de cociña que Afundación ten na súa sede en Vigo e nos cales o chef Pepe Solla e Graciela Ramilo (CSIC), a responsable do proxecto, prepararán pratos estrela do cociñeiro, entre eles "Vieira sobre guacamole e a súa coral", "Pescada con alcaparras e verzas", nos que se incidirá nos puntos críticos de cada un.

O primeiro terá lugar este venres 11 de marzo, de 18.00 a 20.00 horas. Contará coa participación de 25 persoas que obtiveron unha das entradas sorteadas nas redes sociais dos patrocinadores Afundación e GADIS, así como na páxina Facebook de COCIÑAconCIENCIA.

Nunha primeira parte, versará sobre a importancia da trazabilidad dos bivalvos, a súa conservación, a depuración, a hixiene das superficies e utensilios na cociña ou a contaminación cruzada. A continuación, nunha pequena experiencia de laboratorio, porase de manifesto a relación entre manter a cadea de frío e o crecemento microbiano, así como recomendacións no uso de ovo.