A comisión de festas está formada por catro persoas, tres delas mulleres, que lle levan dedicado moito tempo e esforzos á organización dos festexos. A presidenta da comisión, Celia de Campos, está satisfeita do cartel que inclúe verbena o sábado 23 de maio a cargo da orquestra Panamá. Ese mesmo dia haberá sesión vermú co grupo Dilema. A partir das cinco da tarde a Batucada Badabum Sorpresa percorrerá as rúas de Perlío. A verbena do venres 22 contará coa orquestra Cinema e co dúo Veneguay. O domingo 24, pezas do xantar co grupo Pasión e festa do neno con descontos en todas as atraccións. Irene Martínez ocúpase de facer que cadren as contas. Di que xa comezaron cos preparativos ao acabar as festas de agosto pasado. A comisión agradece a colaboración da veciñanza e de todos os negocios que apoian economicamente a organización dos festexos de Perlío