Unha das singularidades do edificio é a súa planta octogonal. Outra, a máis fácil de ver, é a escultura do emigrante, coa súa maleta que remata o edificio. “Oito lados na casa, oito columnas que sustentan ao emigrante retratado na parte superior”. Antonio Fernández Fernández naceu en San Pedro de Eume, en 1866, e como tantos galegos tivo que emigrar para gañar a vida. “Con apenas dezaseis anos chega a Cuba, a Cienfuegos alí traballa no ferrocarril e despois dezaoito anos na construción e chega a ser un prezado contratista e construtor”. Pero el logrou volver. “Por problemas de saúde decide retornar, en vez de construír na súa parroquia orixinal chega a Fene e de todos os namorase do en Barallobre, no lugar da Brea, e constrúe alí a súa vivenda”. E, como todos os emigrantes que fixeron cartos construíu unha casa tomando como modelo “o que viran aló”. O chamado estilo indiano, aínda que os especialistas matizarían “podemos encadrala nunha época modernista, estilo ecléctico que mistura varios estilos diferentes”. A edificación comezouse construír en 1921 e catro anos despois estaba terminada. Quedou testemuña gráfica daquel momento “cando está a casa en construción el e os seus tres irmáns, José, Bernardo e María, teñen unha foto nas escadas de acceso” ao edificio. 

Se o exterior chama a atención tamén hai elementos singulares no interior, aínda que non todo o mundo ten ocasión de velos xa que non está aberta ao público, agás para quen aluga a vivenda. Dentro do edificio deixou escritos distintos lema para a posteridade. “El trabajo es mi dios y el mundo mi tumba” ou “Justicia, Educación y Trabajo”, xunto ás bandeiras republicana española e a comunista. Tamén “Para el mal no hay más perdón que no hacerlo”. Nunha das estancias hai cinco placas de mármore que deixaron para a posteridade os textos “La Patria”, “El Pasado”, “El presente”, “El Porvenir” e “Queda dispuesto”. Tamén na ornamentación atópanse elementos destacados, como “azulexos con motivos variados. castelos, dragóns alados e “nas cornixas decoración vexetal e rostros humanos”.