O consello de administración da Autoridade Portuaria Ferrol-San Cibrao aprobou a modificación non substancial da concesión en Fene para completar as actuacións nas gradas e reorganizar a superficie para gañar espazos no estaleiro. Esta segunda fase das obras complementa á de demolición das gradas en cotas superiores á pleamar que actualmente están en execución. As actuacións desta segunda etapa inclúen completar a demolición das gradas 1 e 2 correspondentes ás zonas de carreira de marea e a reorganización da superficie para gañar espazos en distintas áreas do estaleiro para a eólica mariña. A superficie concesional resultante da reforma das instalacións de Navantia en Fene é de 897.762 metros cadrados, dos que 726.746 son de terra e 171.016 de lámina de auga. En total o incremento da superficie concesional é dun 4,59 %. 

Fotografía Xan Xe