Persoal de Zara reclama o cumprimento do convenio do comercio

Persoal de Zara reclama o cumprimento do convenio do comercio

11 de Outubro, 2011 - 12:00 h. | Publicada por Radio Negreira

Persoal de Zara da provincia da Coruña concentrouse este martes ás portas da tenda da Praza de Galiza de Compostela para denunciar o que califican como "incumprimento, por parte de Inditex de parte do articulado do convenio de comercio vario". En concreto refírense ao artigo 15, que estabelece que as persoas con contrato a tempo parcial terán dereito preferente a incrementar a súa xornada de traballo fronte á celebración de novas contrataci&oac

Zara estaría obrigada a comunicar as vacantes a todos os traballadores/as de menos de 40 horas e como mínimo non contratar a ninguén a máis horas das que goza o persoal que xa pertence á empresa. Denuncian que o Grupo Inditex (Zara), insiste unha e outra vez en incumprir a legalidade prexudicando así gravemente os dereitos das traballadoras.

Entenden que a empresa pretende seguir priorizando as contratacións “a dedo” vulnerando os dereitos de traballadoras que levan anos desenvolvendo a súa actividade na empresa, con contratos que contemplan remuneracións inferiores a moitos dos novos que se están a asinar.

Consideran que Zara está favorecendo a precariedade laboral, ao manter a parte do seu cadro de persoal en condicións salariais que non permiten sequera chegar a fin de mes. Unha situación que contrasta coa conta de resultados do Grupo Inditex, que acadou en 2010 un beneficio neto de 1.732 millóns de euros, un 32% máis, en plena crise económica; incrementou as vendas un 13% e facturou un total de 12.527 millóns de euros, segundo salienta a CIG nun comunicado.

Sociedade