Fotografía: Xan Xe Corral

Desde Coruña, monta a Federación Tabaqueira Española á que se afilian o 99% das cigarreiras e tabaqueiros das once fábricas de tabacos abertas en España. Ten unha visión moi moderna do sindicalismo e utiliza o diálogo e a negociación. Organiza unha gran folga en 1919. Nas fábricas de tabacos cobrábase por traballo realizado, entón a implantación da xornada de oito horas íalle prexudicar. Tras a mobilización pasan a ter un salario fixo.

Severino Chacón foi un gran líder sindical que conseguiu melloras para as fábricas de tabacos. Fundou en 1916 a Unión Tabacalera. A través da negociación e da presión logrou importantes avances para as cigarreiras. Convenceunas para mercar accións e sentou a catro cigarreiras no Consello de Administración de Tabacalera, xunto co banqueiro Juan March. Impulsou a construción da Casa das cigarreiras na Coruña. Tivo que escapar en 1936 e residiu en diferentes países. Severino Chacón morreu con 92 anos en Madrid.