A Corporación de Fene decide este xoves sobre a delegación da tramitación da plusvalía, oficialmente Imposto sobre o Incremento de Valor dos Terreos de Natureza Urbana, no servizo de recadación da Deputación. “Un dos impostos máis antigos do Concello de Fene e dos que menos se modificaron, agás a variación feita a raíz do cambio legal; ademais é dos de cálculos máis complexos”, explicou Manuel Polo. Tamén tratará o pleno unha moción do PP sobre o superávit orzamentario. “Viven noutro planeta, os concellos de superávit nada, pola infradotación económica e polas competencias impropias que asumen”, declarou en referencia a unha moción “sorprendente do PP, un partido sen rumbo, sen criterio, andan como polo sen cabeza”, sostén Polo que tamén informou da boa marcha das distintas obras que está a realizar o Concello, os proxectos de futuro e a próxima cesión ao Concello da titularidade da rúa da Fraga, unha vez que a Deputación acabe as obras de asfaltado que está a executar.