Poemas íntimos,persoais e pedagóxicos

Poemas íntimos, persoais e pedagóxicos
19 de Maio, 2022 - 11:50 h. | Publicada por Radio Fene

Algúns teñen que ver coa cuestión persoal ou íntima. Outros relacionanse coa súa profesión de mestre. Retorno sen volta é o primeiro libro de poemas dun autor e docente que posúe unha longa traxectoria na defensa da lingua: Xosé Lastra Muruais (A Pontenova, 1952). O escritor logrou con esta obra, en 2021, o Premio de Poesía do Certame Literario de Vilalba, na súa edición número 47. 

ESCOITA O PODCAST:
Fotografía Xan Xe Corral

Trinta e tres poemas onde o autor reflexiona sobre o paso fuxidío do tempo e o desexo dun retorno imposible. Sobre a soidade, a dor da perda, mais tamén sobre a paixón amorosa e o desacougo. A poeta Rosalía Fernández Rial afirma no limiar: «Ao anainar este libro entre as mans, lectora, lector, completarás con catarse os ocos do teu baleiro, porque só se pode seguir camiño combatendo a dor con cantos. Sexamos, pois, cómplices dos pequenos himnos cotiáns, tribo verbal, rebeldía fronte á devastación». O libro está ilustrado por Leandro Lamas (Narón,1973)

Cultura

Publica o teu comentario agora