No roteiro participará, ademais, o proxecto literario – musical “Cinta adhesiva”. Sobre o fío condutor da música de Jesús Andrés Tejada, os textos de Silvia Penas van dotando de significado as melodías, os ritmos, a cadencia. Trátase dunha totalidade orgánica onde texto e música non se acompañan, senón que tratan de fundirse e confundirse. Incluso ás veces o recitado convértese en canción.