ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Matilde Castro, “Polos fíos da memoria”, e Mariola Hermida, “Onde nacen os pexegueiros”. Dúas autoras falan da súa obra poética este venres no clube de leitura de Radio Fene Radiofusión. De como concibiron os seus poemarios e de como chegaron a ser escritoras.
Poesía e memoria. Das traxedias vividas no país coa guerra civil e a posterior represión trata a obra de Matilde Castro. A conexión da Natureza e o mundo rural da súa infancia son fonte de inspiración para Mariola Hermida. Mariola e Matilde contaron coa colaboración, consciente ou inconsciente, das súas familias. Matilde tivo o apoio de seu fillo na edición do libro. “El estudou deseño gráfico, maquetouno e fixo os debuxos, así que estou dobremente agradecida, porque saia á luz e porque me acompañou meu fillo neste proceso e quero dicir que foi un pouco duro porque son moi pesada. Fíxoo con moito cariño”, di a autora. Matilde compuxo o seu poemario partindo das traxedias que lle contara súa nai e o libro publicouse coa complicidade das súas fillas “Para min foi unha sorpresa moi grande, as miñas fillas sabíano pero eu non. Xa antes da pandemia estaba o proxecto, de feito no Nadal xa miña filla me regalara un retrato dunha fotografía da miña nai, que xa era o proxecto para a portada do libro, pero eu non sabía nada”.
Fotografía Xan Xe
Publica o teu comentario agora