ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A desclasificación dos tomos da operación Pokemon sobre a corrupción en Galicia desvela cada día novas sorpresas. Segundo publica hoxe o xornal El Pais, a Xunta pagoulle 40.000 euros a través da Dirección Xeral de I+D+i da Consellería de Industria como axudas ao “fomento da investigación e a innovación empresarial”.
A dirección encabezada por Ricardo Capilla enviou un correo electrónico o 5 de decembro de 2011 a Sintrasa, unha das empresas da rede de Vendex, informando da concesión de 40.000 euros. A partir dese momento, o delegado de Vendex Galicia José María Tutor enfrascouse nunha espiral de chamadas telefónicas para conseguir facturas falsas coas que xustificar a subvención. Entre motor e casco, inicialmente só conseguía xustificar 25.000 euros. Para falsear facturas contactou con Guillermo F., o mergullador, que xestionaba Nauga, un negocio de mergullo da Coruña tamén de Vendex
Segundo un informe do Servizo de Vixilancia Aduaneira, Vendex presentábase a concursos de servizos municipais, untando aos políticos ou xestores quesedeixaban. Os pinchazos telefónicos autorizados pola xuiza de Lugo Pilar de Lara sobre o delegado de Vendex en Galicia, José María Tutor, permitiron comprobar que falaba cos responsabeis políticos dos Concellos de Lugo, Ourense, A Coruña e Santiago –xestionados polo PP e polo PSOE- para negociar a concesión de servizos, a cambio de, supostamente, enchufar a amigos ou de sobres con cartos.