“Para nenos e nenas, a mocidade, maiores e, en xeral, para as familias”, asegurou Ayala que encabeza a candidatura elixida pola asemblea local o pasado febreiro. Daquela comezaron os preparativos da campaña das municipais que estarán condicionadas polo panorama político autonómico e español, “Considero que sí vai influír, estou seguro, ao mellor non é determinante,  pero vai influír” opina. Do mandato que remata, recoñece que “para o PSOE foi convulso”, pero dá por superados os desencontros "queremos pasar páxina, o PSOE está nun punto de encontro". Non se pronuncia sobre hipotéticos pactos postelectorais. “É prematuro”, chegado o momento corresponderalle a asemblea decidir, apunta. Iso si, sostén que na política hai que ser coherente e respectar compromisos. Os que el adquirira coa veciñanza en 2015, levárono a dimitir do cargo dous anos despois, explica.