Hai agora seis anos un pequeno grupo de estudantes da delegación de alumnos da Escola Universitaria Politécnica de Ferrol decidiu buscar unha nova fórmula de achegamento dos alumnos e novos titulados ás empresas relacionadas coa enxeñería, tanto industrial como naval. Grazas ao apoio do centro conseguiron organizar a primeira Xuntanza Tecnolóxica. Agora, a Sexta edición terá como escenario as instalacións da propia Escola Politécnica, artellándose arredor de tres piares fundamentais: as conferencias, os talleres e o apartado expositivo para as empresas participantes.

Nesta ocasión terá máis peso o mundo do Automóbil, polo que contarán cunha ampla representación do sector´:a ITV, o Real Auto Club de España e de Cataluña, a Policia Local de A Coruña ou a Xefatura de Tráfico.  Instalarase unha carpa central onde se situarán os stands das empresas participantes, convertíndose no centro neurálgico do certame no que confluirán asistentes, alumnos, profesores, ponentes e convidados.