Este domingo 1 de Xuño celebrouse, no Coliseum da Coruña, o 37º Trofeo Miguelito no que participaron 120 alumn@s de AD Judo Ferrolterra que adestran nos diferentes centros do club: Mercedarias Ferrol, Jorge Juan Narón, AA.VV. Lago (Valdoviño), EM Cabanas, Escola Judo Fene, Utopia Fitness Club de Narón, Escola Judo Pontedeume, Castro Baxoi de Miño , CEIP Teixeiro e EM Bertamirans. Os judocas foron avaliados pola súa execución técnica e premiados todos co mesmo agasallo. Nesta edición o club Ad Judo Ferrolterra foi premiado co Premio á Técnica, correspondente á execución e participación do curso anterior, que recolleu a profesora do club Alba Martínez. Realizouse unha demostración, no tatami central do Coliseum, de Judo Inclusivo por parte do noso alumno Saúl Cabarcos, axudado por Hugo López (medalla nacional infantil).