O ofego, arfada ou jadeo excesivo é o primeiro sinal de alerta dun golpe de calor nos animais domésticos. A veterinaria etóloga Noemi Graña advertiu no programa Radio Animal sobre os graves riscos que sofren as mascotas polas altas temperaturas. A experta explicou as claves para protexer os animais e como actuar ante unha urxencia.

Sintomas e factores de risco

• Ofego intenso: O signo principal de calor é cando o animal respira forte, rápido e coa lingua fóra.
• Razas de fociño chato: Os cans braquicéfalos sofren máis por mor dun padal brando máis longo que dificulta a súa respiración.
• Grupos vulnerables: Os cachorros, os animais vellos e as mascotas con pelo longo corren un maior perigo.
• Temperatura ideal: O confort do animal na casa ou na rúa mantense entre os 20 e os 25 graos, igual que as persoas.

Como actuar ante unha emerxencia

Se unha mascota se atopa mal pola calor, Noemi Graña recomenda actuar de inmediato antes de chegar á clínica veterinaria

• Ventilación: Abrir as ventás se se viaxa nun vehículo para que corra o aire.
• Hidratación: Ofrecer auga para beber se o animal está disposto a facelo.
• Refrescamento: Humedecer o pelo do animal con coidado.
• Evitar a auga moi fría: O uso de auga xeada pode provocar un shock térmico perigoso