R, o operador galego de comunicacións por fibra óptica, aposta pola canteira galega do humor e convida aos seus clientes aos espectáculos dalgúns dos monologuistas máis salientables a día de hoxe en Galicia. Trátase dunha serie de actuacións humorísticas que comezaron en maio e se van desenvolver tamén ao longo do mes de xuño en diferentes localidades de Galicia nas que R ten despregado recentemente á súa nova rede de fibra óptica. R pretende, así, arrincarlle un sorriso á xente da man destes profesionais do humor da terra e, ao tempo, darse a coñecer un anaco máis nestas poboacións nas que está a desenvolver os seus servizos avanzados de telecomunicacións.

Para acudir ao evento cómpre dispoñer dalgunha das invitacións que o operador galego puxo a disposición dos seus clientes por rigorosa orde de solicitude e ata completar o aforo da sala.

Os monólogos R forman parte, ademais, do conxunto de accións de comunicación que R desenvolve no contorno do Plan de Banda Larga da Xunta de Galicia para lles achegar as redes de nova xeración ao maior número posible de habitantes de Galicia.