“Estamos moi ilusionados”, manifestou o concelleiro. Coa normativa e os premios xa decididos. A entrada será de balde, “para que poida asistir todo o público, esperemos que haxa bastante afluencia”. No I Trofeo Concello de Fene competirán todos contra todos. O  primeiro partido enfrontará ao Barallobre e o Perlío, a partir das 17:30 horas. O Maniños xogará despois contra o perdedor do primeiro encontro. E o gañador do Trofeo decidirase no partido que enfronte ao equipo anfitrión contra o vencedor do primeiro partido.

Ademais do trofeo, o gañador recibirá 700 euros en material deportivo. Para o segundo clasificado destinase material deportivo valorado en 500 euros e o terceiro recibirá 300 euros en material. “Unha forma de axudar aos clubes”, destacou Adán Chao.