ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Concello de Cabanas, a través da área de deportes, organiza en colaboración co Club KDM a Regata de Kaiak de Mar de Cabanas, que terá lugar na Praia da Madalena este domingo, 8 de agosto. Semella que todas as especialidades do piragüismo están de moda, tras a medalla de prata lograda por Teresa Portela nos Xogos Olímpicos de Xapón.
Durante a mañá terá lugar o Campionato Galego de Infantís de Kaiak de Mar, e xa pola tarde será a quenda das categorías sénior, júnior e veteranos tradicionais na primeira saída, e dos cadetes e SUP na segunda. "Coa celebración desta regata Cabanas segue a consolidarse como o escenario axeitado para o desenvolvemento de probas deportivas, nomeadamente do kaiak de mar, grazas á súa privilexiada situación", sinalaron fontes municipais. As persoas participantes, chegadas de distintos puntos do país, xogaranse a Copa Galicia e os trofeos do Campionato Galego de Infantís.
Publica o teu comentario agora