Fene acolleu unha das xornadas de degustación da Ostra do Ártabro que se celebrou na carpa que ten instalada o Concello na praza do Alcalde Souto. O patrón maior explicou en Radio Fene que traballan para ampliar os produtos que comercializan, algúns pouco coñecidos como a ostra rizada. Para dar a coñecer os seus valores nutritivos, o sabor e como preparala organizan xornadas como a celebrada en Fene, na que se ofreceu degustación do produto en conserva e tamén en fresco.  Colaboraron na iniciativa Paula Patiño, mestra artesá de ACastrexa, e Nair González, profesional de cociña do restaurante Muelle 43. O proxecto prevé outra xornada que se celebrará a finais de agosto.  Tamén anunciou Jorge López que a vindeira semana a Confraría Santiago Apóstolo de Barallobre presentará a Festa do Marisco.