Esta fin de semana regresa unha das citas máis agardadas do comercio local: o Outlet Fene, que se celebrará os días 5, 6 e 7 de setembro, organizado polo Concello de Fene en colaboración coa Asociación “O Cruceiro” e coa colaboración da Deputación.

O evento desenvolverase en horario de venres e sábado de 10:00 a 13:30 h e de 17:00 a 20:00 h, e o domingo só pola mañá. Será unha excelente oportunidade para atopar produtos de calidade a prezos moi rebaixados, ademais de desfrutar dun ambiente festivo, con animación e decoración especial nos comercios.

Os establecementos participantes nesta edición serán: A Tenda Agasallos, Arrecendo Galego, Berline Boutique, Bualá, Cafetería CMIU Fene, Calzados Locay e Cáprica Cómics. Participan tamén Costuras, DaMa Fene, El Baúl de Bego, Jomer, Kenia Fene, Koralli Boutique e Lencería Loly Calvo. Asimismo estarán no outlet, Lualé 114, Más Sport, Mayka Moda, Mi Pachu e Un Pedacito de Mi.

A concelleira de Promoción Económica, Ángeles Coira, salientou que o Outlet Fene é “un escaparate perfecto para apoiar ao comercio de proximidade e dinamizar o concello. É unha oportunidade para que a veciñanza e visitantes poidan descubrir todo o que ofrecen os nosos establecementos, con descontos moi atractivos e nun ambiente festivo”.

Imaxe: Outlet en Fene. 2022.

Fotografía Xan Xe