Allea a estas disquisicións bizantinas, María Dominga dicía a todo o mundo e todo o mundo dicía dela que nacera co século. Quizais fose esta a frase máis repetida do seu repertorio de frases repetidas, entre as que destacaban “pasei moitos traballos”, “traballando de sol a sol”, “unha vida de penurias”, “tantas mortes a destempo”, “tantas mortes a traizón”, “co meu home sempre enfermo, de cabeza e corazón”, “un mal parto”, “catro fillos e dúas fillas, que parín soa e  con dor, que aleitei cos meus dous peitos”, “que criei soa se sen axuda”, “e soa fun quen dixen non”. “Fala comigo xa morta” e “por aquí pasou unha guerra” eran outras das súas frases máis repetidas.

Retrato dos personaxes da árbore xenealóxica familiar da novela "Madriña" de Antonio Tizón, que se publicará a finais de 2025. Voz de Manuel Torrente. Dirección e montaxe de Eugenia Sanmartín. Fotografía Xan Xe. Imaxe de Eugenia Sanmartín que no podcast "Madriña" encarnou a Maria Dominga Tenreiro García