Unha película que fora xa proxectada no multiusos de Redondela e que estaba pendente de ser trasladada tamén a Chapela. Ao pase asistirá o alumnado do instituto da parroquia aínda que está aberta a todo o público en xeral.

Pradolongo, rodada en Valdeorras, é a historia de tres amigos da infancia que ven deteriorar a súa amizade a medida que os intereses de clases e os sentimentos amorosos entran nas súas vidas. Os protagonistas son Raquel, Martiño e Armando, interpretados por Tamara Canosa, Ruben Riós e Roberto Polo.