A vicerreitora do Campus de Ferrol e Responsabilidade Social Ana Ares e o director do Campus Industrial de Ferrol Marcos Míguez participaron na reunión. Por parte das radios locais acudiron á xuntanza Henrique Sanfiz e Ana Santiago, de Emisoras Municipais Galegas.

A saúde na comunidade universitaria, o programa Afrontemos de atención psicolóxica, os proxectos da Oficina de Cooperación e Voluntariado (OCV) como a clínica xurídica ou o Programa “Green Campus Ferrol” foron algunhas das iniciativas educativas que se abordaron no encontro. EMUGA explicou o proxecto “Empeza por ti” impulsado neste 2024 coa colaboración da Deputación de A Coruña, e tamén abordou a iniciativa “Onda ODS. De medios locais  a medios glocais” que se poñerá en práctica en 2025, coa participación das Emisoras Municipais Galegas, EMA RTV, La Xarxa e a Rede de Medios Comunitarios.

Imaxe: Iolanda Fernández