Segundo declarou esta mañá a Radiofusión Delfina Bañobre, unha das voceiras da plataforma na bisbarra, “os de Fene e San Sadurniño foron os primeiros Concellos que se adheriron á mobilización e que fletarán autobuses para favorecer a participación dos veciños”.

Bañobre agarda que a manifestación do domingo  sexa multitudinaria e que sirva para amosar o sentir dos moitos cidadáns que rexeitan as novas medidas anunciadas pola Xunta de Galicia en materia de política lingüística (como a derrogación do decreto do galego ou a contrarreforma da Lei da Función Pública).

Despois da manifestación que se celebrará o domingo en Compostela , dende a plataforma Queremos Galego anuncian unha campaña de recollida de sinaturas para promover unha Iniciativa Lexislativa Popular a prol do idioma.