As orquestras Ritmo Joven e Matices animarán a primeira verbena, este venres, día 9 de agosto. O día grande, o sábado 10, The fabulous Frank Fairlane DJ encargarase das pezas do mediodia. Pola noite chegará ao campo da festa de Perlío o escenario da orquestra Panamá. O domingo haberá pezas do mediodía ata que o corpo aguante co grupo Reflejos.

Este ano, as festas coinciden nunha fin de semana con moita actividade en Fene, pero iso non é problema. Na comisión organizadora son da idea de que todo suma. E gardan un as na manga, porque sortean un remolque cheo de produtos, unha paella para cinco persoas, 100€ d medio porquiño entre todas as persoas que mercaron rifas para contribuír a financiar os festexos. O gañador coñecerase o 17 de agosto. O número agraciado será o que coincida coas catro últimas cifras do primeiro premio da Lotería Nacional dese sábado.