A Rúa Magdalena quedará mañá cortada ao tráfico rodado e reservada única e exclusivamente para o tránsito de peóns e ciclistas. Será un anticipo dos plans futuros do Concello, de afrontar a peatonalización do barrio da Magdalena nun futuro próximo e seguirá a liña dos criterios que marca o Plan de Mobilidade do Concello de Ferrol-Plan MOB. Este proxecto aposta por recuperar o protagonismo do peón fronte ao vehículo particular. Mañá, a rúa Magdalena será un exemplo a pequena escala dese proceso. O tráfico de vehículos pecharáse durante todo o día dende a confluencia coa rúa Rubalcava e ata a confluencia coa rúa Sánchez Barcáiztegui.

O concello ferrolán tamén dará a coñecer mañá un novo portal web que permitirá á cidadanía compartir coche nos seus desprazamentos. As vantaxes para os particulares son moitas, dende o aforro económico ata a comodidade, namentras que para o medio ambiente, resultan incalculables.