ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Amosar a riqueza da nosa música tradicional e recoñecer a aqueles que traballan por conservala son dous dos obxectivos que o antropólogo Rafael Quintía se marcou co libro Para cantar veño eu! Unha viaxe pola cultura musical galega da man dos Chichisos. A obra, publicada pola Sociedade Antropolóxica Galega e a Asociación Cultural Os Chichisos, preséntase mañá venres na Galería Sargadelos de Pontevedra.
Empregando como fío condutor o labor que a asociación cultural e grupo de música tradicional Os Chichisos leva a cabo dende hai case dúas décadas, o autor ofrécenos nesta obra un compendio de apuntamentos etnográficos arredor do universo da música popular galega e das súas diferentes expresións e manifestacións. Quintía realiza un percorrido polos instrumentos tradicionais, os ritmos e os bailes, as festas do ciclo do ano e as tradicións musicais a elas asociadas, a ancestral linguaxe das campás, os cantos de berce e moitas outras dimensións do noso folclore.
Para cantar veño eu complétase cunha unidade didáctica que inclúe exercicios para que a xente máis nova practique, comprenda e asimile os diferentes contidos deste traballo.