O presidente do Goberno, Mariano Rajoy, agradeceu este domingo o "traballo e perseveranza" das Forzas e Corpos de Seguridade, así como do resto de implicados na investigación, para recuperar e devolver o Códice Calixtino á Catedral de Santiago, á vez que ofreceu "un recoñecemento" do Instituto de Patrimonio Histórico desta obra medieval e anunciou un convenio coa Xunta e Arcebispado para velar pola protección artística.

   No acto de devolución do Codex Calixtinus ao templo compostelán, Mariano Rajoy realizou a entrega simbólica desta peza de valor incalculable, nun evento no que tamén interviron o presidente da Xunta, Alberto Núñez Feijóo; e o arcebispo de Santiago, Julián Barrio.

   Cun discurso infestado de agradecementos a todos os que traballaron pola recuperación do Códice, Mariano Rajoy dixo pór ao Goberno central a disposición do Arcebispado "a todos os efectos", tanto para a conservación do manuscrito do século XII como para a avaliación dos posibles danos producidos pola súa substracción.