Rapando as silveiras

O custe da limpeza achegase aos 18.000 euros.
03 de Setembro, 2019 - 10:11 h. | Publicada por Radio Fene

O Concello de Fene reforza os desbroces nas beiras de camiños e estradas municipais. A actuación executase en máis de 67.000 metros de foxos e noiros e supón un investimento para as arcas municipais de case 18.000 euros.

Fene puxo en marcha dunha actuación de reforzo da limpeza das estradas das parroquias co obxectivo de eliminar a maleza das beiras de camiños e estradas. Segundo o concelleiro de Obras, Andrés Serantes, os traballos executaranse en ata 67.272 metros de cunetas e noiros, unha actuación que se prolongará nas vindeiras semanas e que pretende poñer a punto as vías das parroquias.

Esta actuación supón un investimento de ata 17.907,81 euros para as arcas municipais. Dende o concello, priorizouse esta acción para evitar que a vexetación invada os carrís e supoña un perigo para os vehículos e peóns que circulan por estas vías.

Institucional

Comentarios

Moita propaganda, o farolas non da Pau á auga, vago e valente. O concello totalmente abandonado cos servizos básicos fatal.
Nome: 
Farolas

Publica o teu comentario agora