Realismo máxico á galega

Realismo máxico á galega
01 de Decembro, 2023 - 03:01 h. | Publicada por Radio Fene

O libro de Lara Dopazo Ruibal “O axolote” entra dentro dunha especie de “realismo máxico á galega” onde o sobrenatural forma parte do natural. A autora inclúe diversos puntos de vista (relatos en primeira, segunda e terceira persoa) e tamén de voces narrativas, xa que hai voces de homes, nenas, mulleres, unha cadela e ata elementos da natureza, como dúas pingas de auga. O conto que da nome ao libro titúlase “O axolote”. Ë unha píntega mexicana que non medra e que se atopa en vías de extinción. Só vive no complexo lacustre de Xochimilco, xunto á cidade de México.

ESCOITA O PODCAST:

Escoita a conversa con Lara Dopazo:

http://173.255.131.18/audio/011223DOPAZO.mp3

Fotografía: Carlos Sardiña

Nos relatos de Lara Dopazo, hai referencias a Rafael Dieste, Alvaro Cunqueiro, Julio Cortázar ou Garcia Marquez. Pero ademais, a  escritora non renuncia ás tradicións da literatura oral.  Unha atmosfera nebulosa e envolvente e finais sorprendentes en cada un dos relatos. Confía na intelixencia da persoa que le. A Lara Dopazo gústanlle os finais abertos na literatura e no cine. 
Trece relatos elaborados con pulcritude estilística e unha atmosfera envolvente, como de brétema de primeira hora da mañá. Relatos máxicos onde se mistura o sobrenatural e o improbable. O axolote e outros contos de bestas e augas. Un libro de Lara Dopazo Ruibal, do que falamos no club de lectura de Radio Fene Radiodifusión.
 

 

 

Cultura

Publica o teu comentario agora