No marco desta conferencia, tal e como fai no seu último libro publicado: “Receitas para compartir felicidade”, Javier Urra desgranará reflexións, vivencias e sentimentos acerca de como vivir a vida para facela máis amable, máis vida, proporcionando diversas receitas para acadar este obxectivo. Entre estas, “Rodearse de xente maxa e simpática”, “Vacunarse contra a indiferencia”, “Dar a fondo perdido”, “Viaxar, viaxar e viaxar”, “Fixarse en todo o que temos”, “Deitarse cunha idea que faga sorrir” ou “Relativizar os disgustos”, entre moitas outras. Especialista en Psicoloxía Clínica e pedagogo terapeuta, Javier Urra traballa como psicólogo forense na Fiscalía do Tribunal Superior de Xustiza e Xulgados de Menores de Madrid desde o ano 1985. Foi o primeiro Defensor do Menor na Comunidade de Madrid de 1996 a 2001 e presidente da Red Europea de Defensores do Menor. É conferenciante habitual en foros nacionais e internacionais e é autor de diversos libros como “Educar con sentido común”, “¿Qué ocultan nuestros hijos?”, “El pequeño dictador, cuando los padres son las  víctimas” ou “Mujer creciente, hombre menguante”. Actualmente é colaborador do Instituto Coca-Cola de la Felicidad. A conferencia de javier Urra celebrase na Casa Solidaria -rúa Velázquez esquina coa avenida de Vigo-.