O festival comezará coa saída dos cabezudos ás dez da noite da Praza  do Ferro ata o Auditorio Municipal onde actuarán. A música arrincará ás once coa actuación da Banda Municipal de Ourense, o grupo Animales Domésticos, Sólidos Galicianos, Gomes moure e Os Perotores. Completan o cartel a Banda Ourensóns, Guezos, o Sonoro Maxín, Magritte e o grupo Burgas Beat. O festival repousará sobre unha fabulación de Fernando Dacosta, Josito Porto e Suso Porto de Sarabela Teatro. A entrada na celebración no Auditorio Municipal de Ourense custa 3  euros.

A publicación consta de 150 páxinas con diferentes textos e accións vencelladas con ‘A Esmorga’ e co seu autor ofertadas en formas e xéneros diferentes: banda deseñada, xogo de rol, ensaio, música, títeres e deseño gráfico.

Pola súa banda, o disco compacto, recollerá a aportación dun total de 10 formacións musicais ourensanas con temas inspirados o relacionados con ‘A Esmorga’. Unha relectura en clave musical dos ambientes, situacións e espazos da obra vista por unha selección de grupos e bandas da cidade. O terceiro produto deste proxecto cultural é o DVD, cunha obra inspirada nas ‘Farsas para títeres’ de Blanco Amor.