Marmeladas, viño, cervexas, licores, bombóns. Son moitos os produtos que elabora, desde hai dez anos, a empresa Carabuñas que está a recuperar e por en valor este arbusto. “É un arbusto que se estende por toda Galicia e que se aproveitaba hai anos, nós intentamos recuperalo e darlle novos usos”. “Ten moitísimas propiedades medicinais”. Importante fonte de antioxidantes, serve para tratar procesos catarrais e gripes, feridas, queimaduras e ata conxuntivite. Do sabugueiro ou bieiteiro aprovéitanse follas, flor, froitos, miolo a pel… e serve para procesos catarrais.Teñen plantacións en Vilar de Santos e no norte de Portugal e fan todo o proceso de cultivo, transformación e comercialización. Os seus produtos están á venda en tendas delicatesen e tamén a través da páxina web da empresa. “A maioría da nosa produción vendémola en Galicia”. Carabuñas e o potencial do sabugueiro abrirá, o día 21 de abril, o ciclo de charlas “Apostando polo sector primario” que terá lugar en San Sadurniño, na Casa da Xuventude, con motivo da XXVI Feira da Plantación.