O casino Fene acollerá o sábado 10 de outubro, ás dez da noite, unha cea-baile especial. Daranse cita moitos feneses e fenesas que naceron no ano 59 e que cunpren este ano un aniversario importante, os 50 anos, as bodas de ouro.

Unha idea que xurde entre un grupo de amigos que están a enviar invitacións aos seus coetáneos de Fene. Ata o momento apuntáronse 30 persoas pero os organizadores agardan que esta cifra aumente. Ademáis das invitacións, hai carteis distribuidos polo concello dando conta deste evento pero é o boca a boca o que está a resultar máis eficaz.

Contan tamén cunha lista dos nados en Fene hai 50 anos pero moitos deles viven fóra. Por este motivo a xuntanza farase o sábado 10, ponte do Pilar para facilitar a estas persoas a súa asistencia.

A cea constará de entrantes, carne asada, postre, viño, café e licores e sobre todo de moita festa asegura de Machuco. Carlos rei arrufará a velada. Os interesados deberán anotarse antes do martes 29 de setembro ben no círculo de Fene ou chamando aos teléfonos 981 342 954 ou ao 669 678 367.

A cita coa quinta do 59 é o sábado dez de outubro, ás dez da noite no casino de Fene .