Ademais de poñer en valor o arte, este traballo trata de concienciar sobre a contaminación da industria da moda, xa que a nosa saúde tamén se pode ver perxudicada polo impacto téxtil. 49 Razóns suma arte, moda e conciencia cun triplo obxectivo: artístico, ecolóxico e educativo. Cada unha das camisas vai acompañada dunha interpretación fotográfica e ten unha etiqueta cun código QR dende o que se pode acceder a toda a información sobre cada creador ou creadora xunto coa súa reflexión persoal. Na exposición hai, ademais, imaxes con textos que fan referencia ao impacto da industria da moda no ecosistema e sobre a capacidade de influencia que temos de forma individual para cambiar as cousas. 49 Razóns é unha reflexión transformada en acción fronte ao actual consumo desmesurado.