ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A animosa e dilixente profesora Loly Lago coordina o club de lectura dos pais e nais do IES de Fene (A Coruña). A iniciativa permitiu que máis dunha ducia de proxenitores volveran acudir ás aulas e a algún xeito de disciplina educativa. A pedagoxia céntrase na lectura e levan como deberes para a casa neste mes de Nadal, o libro de Marcos Calveiro "Settecento" e máis o volume de Maria Dueñas "El tiempo entre costuras".
O intrigante e vertixinoso relato de Calveiro permítelles adentrarse nunha temática insólita na literatura galega. Antonio Vivaldi prepara a estrea da súa nova ópera na Venecia do ano 1739. Quizais sexa a súa derradeira oportunidade de acadar o éxito de antano, mentres procura por un stradivarius perdido que moitos anos máis tarde escoitaremos nos oficios da catedral de Santiago.
O "best seller" de María Dueñas achéganos a Tánger na década dos anos trinta. Instalaráse nunha cidade mundana, exótica e vibrante onde a traición e o abandono poden convertirse en realidade. A crítica afirma que a novela rezuma unha prosa espléndida.