ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
As relacións entre Ricardo Carvalho Calero e Torrente Ballester pasaron por diferentes momentos. Mentres Torrente foi moi negativo para el, semella que Carvalho, cando menos para fora, perdooulle.
Antes de 1936 os dous escritores ferroláns coincidiron estudando na súa cidade. Despois coincidiron na dirección do PG na localidade. Cando o golpe de Estado, Torrente encontrábase en Francia disfrutando dunha bolsa de estudos. Cando regresa, comprométese co réxime franquista onde chegou a ser unha autoridade a novel local e de Galicia. Segundo defende o biógrafo de Carvalho Calero, Martinho Montero, o informe que enviou Torrente a Xaén sobre Carvalho prexudicouno absolutamente e puido ser moi perigoso. Nun primeiro momento Carvalho estaba sendo xulgado por ser tenente do exército republicano, algo que non se consideraba grave e de feito o fiscal pedirá a absolución, pero chega o informe de Ferrol e cambia todo. Pídenlle a Carvalho cadea perpetua.
Que dicía o informe asinado por Torrente?
Dicía que Ricardo era boa persoa pero de ideas separatistas como militante do PG e, engadía, que fora compromisario do PG na elección de Manuel Azaña. A raíz deste informe, condean ao profesor ferrolán a unha pena de 12 anos de prisión.
Que pasou despois con esa relación?
Cando Ricardo volve a Ferrol en liberdade condicional, a actitude de Torrente Ballester foi moi belixerante, moi negativa. En palabras de Montero, “Torrente comportouse como un difamador, tratábao mal e dicíalle que estaba vivo grazas a el”. Hai que ter en conta que Torrente era un xefecillo do réxime en Ferrol. Conta Montero que cando Franco veu á cidade en 1948 para inaugurar un monumento a Churruca, Torrente fixo de cicerone do ditador, como queda patente no NODO que informa daquel día. Ademais diso, afirma Montero que Torrente publica na prensa numerosos artigos sobre a guerra mundial. “Eran terribles” afirma.
Martinho Montero preguntoulle repetidas veces a Carvalho por esa relación pero el esquivaba as preguntas. Nunca falou mal del. Ata o punto que Carvalho publicou un comentario sobre a obra de Torrente “Los gozos y las sombras” que fora levada como serie exitosa a TVE. Torrente quixo visitalo no seu departamento da Universidade e así o fixo. “Carvalho recibiuno con cordialidade. Era moi xeneroso”.
Publica o teu comentario agora