O acto acordado coas Asociacións de Mulleres, inciouse en xuño e  repítese cada último venres de mes sempre e cando se produzan vítimas de malos tratos nese tempo. Nesta ocasión serán cinco as rosas. Unha por cada muller asasinada neste tempo. Ademais, como vén sendo costume, celebrarase o acto institucional fronte ao pazo municipal ás 12 do mediodía.

María López incidiu na necesidade de seguir avanzando na loita contra esta problemática social. “Unha lacra cada vez maior a pesar do incremento de medidas tomadas para evitar estas mortes que afectan ao conxunto da sociedade, destruíndo numerosas familias”, subliñou.