ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A seriedade do ferro mestúrase en "Galician Metal Retranca" coas formas ás veces cómica das súas figuras. Un traballo serio cargado de retanca. Así se podería definir a arte do escultor naronés.
O escultor naronés, Manuel Ángel Méndez Bellón, inaugura en Fene a mostra “Galician Metal Retranca” Poderá visitarse dende mañá sábado e ata finais de mes na Casa da Cultura. O escultor desvela que o seu obxectivo é facer ver que os dous mundos que leva dentro e que aparentemente son distintos, o traballo serio do metal e, por outro, o noso característico humor galego, poden complementarse perfectamente e sacarnos un sorriso. "Galician Metal Retranca" son 25 figuras realizadas en ferro moldeado e soldado (chapas, tubos, varillas) -e combinado en ocasións con madeira, pedra ou cristal- A mostra pretende “espertar sorrisos con algo aparentemente tan serio coma o ferro", segundo apunta o creador. Tras esa primeira impresión cómica e irónica que adoitan espertar as súas pezas, Manuel Ángel Méndez Bellón procura que se aprecie o traballo constante e serio que cada unha delas ten detrás. “Galician Metal Retranca” Poderá visitarse ata o 27 de febreiro, no horario habitual da Casa da Cultura de Fene, en horario de mañá –de 10 a 13 h- e de tarde –de 16 a 21 h- e os sábados de 10 a 13 h.
Publica o teu comentario agora