Uns actos que arrincan este domingo,  Día Internacional dos Museos, cunha xornada de portas abertas e actividades durante todo o día que rematarán ás oito da tarde coa actuación do humorista Pedro Brandariz. O Concello de Fene convidou esta mañá aos membros das sociedades culturais e veciñais, a fotografarse no photocall que mañá se estrea oficialmente no CMI Unidade de Fene, durante a entrega do Premio de Poesía Pérez Parallé. As fotos que a xente faga nel, individuais ou en grupo, publicaránse no facebook do Museo do Humor.

Monólogos e Exposicións

Os espectáculos humorísticos sucederanse dende o 6 de xuño coa presencia de Touriñán ata o 24 de novembro no que actúa Isabel Risco. Polo medio estarán Manquiña, Alberte Montes, Evaristo calvo, Compañía Veriscron e Manicómicas. Ao longo do 2014, o museo acollerá exposicións con contidos humorísticos, como a do fotógrafo Román Montesinos, no mes de xuño, ou a da pintora Carlota Cuesta que amosará, na segunda quincena de agosto e primeira de setembro, os seus “Divertimentos” (cadros realizados a partir de pezas de madeira pintadas e colocadas a modo de puzle ou origami).
O calendario de exposicións humorísticas artelladas ao redor do XXX aniversario do Museo do Humor completarase coa inauguración a finais do mes de novembro dunha exposición de caricaturas de produción propia.