Algúns animais, como os gatos, non son moi dados a beber e hai que animalos a que o fagan para evitar a deshidratación. “É vital nos días de calor”, destaca Noemí Graña. “Os gatos son animais que tenden a beber pouca auga, poden ter problemas de hidratación e nos riles”. A formula para evitalo “darlles comida húmida e estimulalos a beber é importantísimo, sobre todo no verán”. Botar cubiños de xeo no bebedeiro para que xoguen con el aconsella Noemí Graña, especialmente no caso de gatos que lle teñen medo á auga. Se non están afeitos desde pequenos recelan de mollarse. “Non é so pola auga, tamén é pola manipulación durante todo o proceso”.

Comunicación dos bonobos

Tamén deu conta Noemí Graña dun recente achado sobre a complexidade da linguaxe dos bonobos. Descubriuse que se comunican entre eles con xestos e vocalizacións e son quen de cambiar a entoación para variar o significado do que din, como facemos nós. “A complexidade da linguaxe é impresionante”. Noemí animou a buscar un vídeo sobre a comunicación dos bonobos na que se observa que estes animais “teñen avanzadas formas de comunicación”.