Dorado Baúlde foi condenado pola Audiencia Nacional o 17 de novembro de 2009, xunto a outras 17 persoas, a dez anos de prisión e ao pagamento de dúas multas de 69.610.000 euros por un delito contra a saúde pública en relación á incautación dun alixo con máis de seis toneladas de cocaína a bordo da embarcación 'South Sea' e que foi intervido en augas do Atlántico en 2003. Na actualidade, a Audiencia Nacional instrúe un caso contra o contrabandista polo suposto delito de branqueo de 30 millóns de euros.
Sobre a súa relación con Dorado, o presidente da Xunta asegura que "tódalas veces" nas que se atopou con el foron "por coincidencia cun compañeiro de traballo da miña xuventude". Neste sentido, Feijóo remítese ás fotografías para constatar que as as devanditas situacións se produciron nun "contexto de ocio, nunca no ámbito das súas responsabilidades laborais".