Roubaban na hostalaría

Roubaban na hostalaría
29 de Abril, 2026 - 11:30 h. | Publicada por Radio Fene

Desarticulado un grupo acusado de roubar en establecementos de Fene e doutros concellos da comarca. A Garda Civil detivo tres homes nunha operación bautizada co nome Yellowfene. 

A Garda Civil desarticulou un grupo criminal especializado en roubos cometidos en establecementos de hostalaría. Os detidos son os presuntos autores de polo menos nove delitos de roubo con forza e un delito de pertenza a grupo criminal. A operación do equipo de Policía Xudicial de Ferrol co apoio do posto de Fene desenvolveuse o pasado 23 de abril. Un dos detidos ingresou en prisión e os outros dous quedaron en liberdade con cargos á espera de xuízo por decisión do Tribunal de Instancia. Están acusados de roubar en establecementos de hostalaría, unha vez que estaban pechados, de Fene, Valdoviño, San Sadurniño, Cabanas, Miño e Cambre. Os danos causados están valorados en máis de 100.000 euros. 

Sociedade

Publica o teu comentario agora