O Sistema de Depósito, Devolución e Retorno a gran aposta de organizacións ecoloxistas como Greenpeace, Amigos da Terra ou Ecoloxistas en Acción. Francia e Portugal xa o puxeron en marcha. A través deste sistema que conviviría co actual, os usuarios terían a oportunidade de devolver os envases utilizando máquinas colocadas en supermercados e outros lugares, e recibirían a cambio unha pequena cantidade económica. Aseguramos así que ese envase vai volver á liña de produción. Os seus defensores argumentan que a incorporación deste modelo é a única forma de involucrar á cidadanía e animar ás empresas a producir menos envases dun só uso, dous puntos esenciais para conseguir as ambiciosas metas que establece a Directiva europea de Plásticos dun Só Uso, que obriga aos países europeos a colectar nove de cada dez botellas de plástico para 2029. En Alemaña xa o puxeron en práctica, pagan 10 céntimos por cada envase de refrescos ou de cervexa devolto e é moi difícil de atopar ese tipo de residuos en calquera cidade ou zona rural.