Si, neste episodio de “Empeza por ti” imos falarvos do mar. Porque a saúde dos océanos está intrinsecamente ligada á nosa, porque nos proporcionan recursos naturais clave como alimentos, medicinas, biocombustibles e outros produtos; ademais os océanos axudan a descompoñer e eliminar os residuos e a reducir a contaminación; e os seus ecosistemas costeiros contribúen a reducir os danos causados polas tormentas. Tamén constitúen o maior almacén de carbono do planeta.

O Obxectivo 14 pretende conservar e utilizar sustentablemente os océanos, os mares e os recursos mariños. Porque, a pesar do importante que é protexer os océanos, décadas de explotación irresponsable dos recursos teñen provocado un nivel alarmante de degradación e é unha realidade incuestionable que a existencia humana e a vida na Terra dependen duns océanos e mares sans.

Empeza por ti é un programa das Emisoras Municipais Galegas, realizado coa axuda da Deputación da Coruña.

Fotografía Xan Xe