Sabor, creatividade, presentación e produto. Son algúns dos aspectos que valorará o xurado profesional que axuizará as tapas que compiten no certame. Tamén haberá votación popular. Son sete as tapas que van rivalizar nesta edición do Concurso de Tapas de Fene. Arrecendo servirá unha Explosión de Carrillada, A Cantina da AVV de Limodre presenta Taco do Mar, Amarizaflor compite con Amarizaflor, Cafetería Bombay, con Tosta de Carne e Pasas, Lembranza sedúcenos con Caprese do Corral, O Son da Cociña ofrece O Faro do Son (non dispoñible o día 12) e Pachamama elabora o Cojonudo Pachamama. Para degustalas so haberá que aboar 2,5 euros. O horario no que se servirán as tapas participantes no certame será o seguinte: os venres, de 20.00 a 22.00 horas; os sábados, de 13.00 a 15.00 e de 20.00 a 22.00 horas; e os domingos, de 13.00 a 15.00 horas.