La Concha abreu a comezos da década dos 60 como pista de verán. A orquestra Os Tamara con Pucho Boedo puxeran a música na primeira velada. Logo construiuse a actual sala de festas e por alí pasaron nos anos 70 as primeiras figuras da música do momento. Massiel, Al Bano, Los Diablos, Peret, Nino Bravo e Juan Pardo pasaron polo palco da Concha e actuaron na súa pista de baile de 1000 metros cadrados. Lolita tivo a súa primeira actuación en La Concha en abril de 1976.

Tamén se achegou ao Val no seu momento de máximo apoxeo, Kiko Ledgar que fora presentador do concurso "Un, dos, tres, responda otra vez". Ademais do baile, na súa primeira planta conta cun comedor para 400 persoas. De feito, nos últimos anos os seus propietarios enfocaron o negocio cara banquetes, ceas baile e reunións de empresa, deixando de funcionar como macrodiscoteca. A música de La Concha deixará de soar o 31 de decembro do 2009.