Unha historia de solidariedade e dignidade. De loita pola vida, na que as mulleres xogan un papel fundamental. Elas déronlles protección e transmitiron a información necesaria para poder organizar a fuga. Un dos fuxidos, Cipriano Casteleiro Feal, era de Barallobre. Cabo da Mariña logrou escapar no bou Ramón logo que fracasar nun intento anterior, en maio, cando non puido subir a outros barcos que saíron de Ferrol con once persoas. Cipriano Casteleiro, unha vez xubilado, volveu para Barallobre, pero antes a súa vida pasou por múltiples vicisitudes. Esta loita pola vida e pola liberdade protagoniza unha exposición fotográfica instalada, ata o 10 de novembro, na Biblioteca de Narón. tamén se proxecta un documental e haberá visitas guiadas, os días 27 de outubro e o 2 e 9 de novembro. Os tres días ás seis da tarde. Quen prefira vela pola súa conta, o horario é de cinco a oito da tarde de luns a venres e os sábados pola mañá, entre as 10 e a unha. Organiza a Asociación Cultural Memoria Histórica Democrática coa colaboración do Concello de Narón. A fuxida do bou Ramón é o título dun libro ilustrado con debuxos de Fernando Ocampo que escribiron Enrique Barrera e Eliseo Fernández.