O uso inaxeitado do teléfono incrementa considerablemente o risco de accidente, non só pola utilización incorrecta ou deficiente das mans senón pola distracción do condutor. Segundo datos da Dirección Xeral de Tráfico, no ano 2010 producíronse en España 608 accidentes como consecuencia de distraccións ao volante nos que morreron un total de 684 persoas. Con esta campaña preténdese evitar que, tanto na cidade como nas estradas interurbanas, os condutores fagan uso do teléfono ignorando que a súa conduta multiplica por catro o risco de sufrir un accidente.