Os primeiros indicios apuntan a un cóctel molotov como causante dos desperfectos da sede do PSOE da cidade do Mandeo. O altercado causou danos no mobiliario interior e na cristaleira exterior. A rápida actuación da Policía local impediu a propagación dun incendio. Este ataque súmase aos catro percances similares sufridos nas sedes socialistas de Galicia nos últimos meses (en Cacheiras, Salvaterra do Miño, Salceda e A Estrada). O de Cacheiras (Teo), tivo lugar hai só unha semana e media, o día de nadal.